沖繩之旅 ~ Go Go Go

2008年10月8日

沖繩四天之旅話咁快就結束，好多同事問夠唔夠時間玩，梗係唔夠喇! 講起玩，多多都唔厭多，更何況沖繩d風景咁靚，陽光海灘，藍天白雲，好山好水，真係好唔夠玩架! 可以留多幾日係個沙灘hea 就好喇! 係沖繩哩幾日，真係好開心，好relax呢!
其實話就話四天，實在得三天，第一天我們下午機，落機已經8:00pm喇!

 

 

 

第一次坐香港快運，要搭巴士上機。飛到沖繩已天黑勅....


過入境處之時，馮經理日本人上身，拿著張入境咭神經兮兮的提二黃和莎倫 :「記得填 "北 西"呀!」「吓? "北西"? 」馮經理:「係呀! 你地聽唔到個入境官員提緊大家點填表咩? 有"北西"要填架!」
出咗機場，我地搭的士往酒店，9:00pm check-in 之後就坐咗程單軌電車往県庁站的國際通行吓......

 

 

好多手信鋪，好多沖繩特產，琉球玻璃係其中好出名的工藝.......

但點解午肉都係特產呢? ..................

 

下回介紹飲飲食食話比大家知!
國際通......行多兩三間鋪就發覺都係嗰d嘢! 我地就閃喇........去食夜宵好過!

~ 待續