京都一日吃足五餐實錄

2009年1月28日

今次這個旅程雖然日圓高企，但絕不影響莎倫和祖廸細妹為為食食的心情 ! 我們在出發前已很容易有一致的共識，就係"不省吃的 .......鍾意食就食!" 這令莎倫憶起兒時與細妹一起掃街的歡樂時光，由咖哩魚蛋要辣、煎襄三寶 (細妹爭係唔要紫色嗰d)、碗仔翅、牛雜到雞蛋仔格仔餅等等...........哈哈哈.........我地兩姊姊真係好鬼為食 ! 媽咪話過比莎倫知，祖廸細妹細個嗰陣有1蚊零用錢，買咗5毫子嘢食仲會問爭番5毫子可以買咩食? 莎倫細個嗰陣d為食嘢仲離譜........烏龍百出... hehehe唔係度講。
今次為咗食好嘢，祖廸細妹好勤力，做了一些功課，除咗睇旅遊書介紹之外，就係係 Yahoo Japan 的人氣食店searched 吓有咩餐廳食店，printed 定晒d地圖地址，實行嚟到日本搵啖食，做得好 well done!
嚟到京都的第二日，即往清水寺祗園的那日，我們就吃足5餐 (雖然細妹唔認，佢話有d唔算唔計wor!) 首先，當然係酒店嘅早餐，這不用多介紹。
第二餐，就係位於清水寺的六花亭，這是一個茶寮，有綠茶和菓子，甚至烏冬供應，天寒地涷，歎柸茶先 ! 京都嘅綠茶果然名不虛傳，茶香得很。

 

 

 

 

咁樣飲一餐茶兩人共 550円，細妹話哩個唔算一餐wor!
剛才飲茶時間係11點幾，我們到咗接近1點梗肚餓喇! 係時侯食晏喇! 我地係祗園尋尋覓覓，好肚餓，點知二人同時聞到好香的烏冬味...........就源著哩d烏冬味去到一間食店前，點知嗰間食肆係人氣店，大排長龍，由於我地太餓，放棄咗! 莎倫就係哩個時候，不出九秒九即瞄到對面街有間鋪頭有個 "蒿麦"字，咁......即係有 蒿麥麵 soba 食喇! 仲快d跑過去.........................

                                  

 

 

係好肚餓嘅時候吃一碗熱騰騰的雞肉蛋蒿麥麵特別好吃....shu shu shu...食晒!
一碗 soba 點夠飽.........好嘢! 再食過.......就咁隔咗一陣，莎倫和祖廸去食下午茶....let's go........
祖廸吃這個用宇字抺茶造的綠茶軟雪糕，莎倫吃的set 有一柸宇字抺荼，紅豆夾餅同埋一球嘅宇字綠茶雪糕， 好好味好滿足呀!

 

 

 

哩餐合共食咗 2,100円
登登登......晚餐出場...........我地根據 Yahoo Japan 的人氣食店，找來位於祗園食shabu shabu 嘅"禪"，好嘢有和牛食..........
http://gourmet.yahoo.co.jp/0005169499/
我們揀咗黑毛和牛，仲ordered 咗魚生

 

 

 

 

 

 

 

 

好唔好味?.............睇吓祖廸細妹嗰樣....................

 

http://www.shabuzen.jp
哩餐連魚生連兩柸酒合共18,260円，真係飲飽食醉............莎倫同細妹真犀利，係帶點酒意+黑麼麼的祗園街道仍理智地分析搭巴士返酒店應該係邊個direction! 不過，可能d和牛太美味太肥美，細妹回酒店後竟然個胃唔舒服，想嘔添.........我地仲未去神戶食神戶牛wor.........咁祖廸細妹究竟會唔就此怕咗和牛呢，提早結束和牛美食之旅呢?

  ~ 待續 ~