Shannon's Travel Log: 北海道 + 東京 2007 ~ 冬日的美瑛

12月9日 ~ 美瑛‧天陰陰，有雪

嘩嘩! 好興奮呀! 美瑛係今次哩個 trip 嘅重頭戲黎架..........一路都好期待

! 去美瑛要由旭川轉富良野綫，由札幌坐火車往旭川的途上，積雪愈來愈深，愈來愈白汒汒，終於感受到自己黎左雪國~北海道喇

! 一路上天氣變化都幾大，間中放晴，但再行一段路，卻又下起雪來，莎倫真的很雀躍呀

!

美瑛有兩條觀光路線: 1) Panoramic 風景展望之路；2) Patchwork 拼布之路；今次選擇左 Patchwork 拼布之路! 下面所見係"親子之木"、"Seven Star 之木"、"Mild Seven 之丘"、"Ken & Mary 之木"......

d雪有幾深? 睇吓莎倫的一雙足印味知 lor

我地就係坐這樣的火車由旭川到美瑛，列車只有一卡.....

莎倫同媽媽就係租左火車站前的的士，料金: 5,400円 1 時間......點解莎倫寫左日文漢字，因為莎倫就係用這個 "料金: 5,400円 1 時間" 跟的士大佬溝通

! 其實，當我們一步出火車站，d 的士大哥已眼望望，我估佢地都等客等左好耐.........但，我地梗係去吓旅遊中心睇吓有咩攞啦，仲要借吓個 Toilet 用吓，跟住吃過中午飯先開始我地嘅旅程..........當我們行近d的士時，他們特然響安，不是歡迎我地，而是排頭位嗰位的士大佬瞓著左，

...........這又令莎倫諗起我地香港班搵食艱難嘅的士司機，係機場排隊排大半日等客 (司機大佬，祝福你們!) 莎倫係香港已經print 好左想去嘅地方，加埋"料金: 5,400円 1 時間" 同司機大佬手指指咁溝通，當佢見到"料金: 5,400円 1 時間"，立即烈嘴而笑，表現得很明白莎倫想去邊，然後開車go go go........(真係好似我地香港班的士大佬接到長途客去返機埸沒兩樣，真係搵食艱難!)

的士大佬好pro 架，一到左特定景定，就會停車，示意莎倫落車影相，這張相就係司機大佬幫我地影架喇! 佢每到達一個景點，都會陪我地落車吹風同埋指比我地知有咩睇仲講解吓，雖然我地聽唔明，但司機大佬被寒風吹到流晒鼻水，莎倫真係覺得感激架，連聲多謝佢!