2008年10月12日
沖繩的大自然風光真的很美麗，我們離開美國村之後，尋覓往殘波岬的道路......真係九曲十三彎，途中經過d蔗田，琉球村，我地突然發覺自己好肚餓，就係琉球村吃個午飯先。吃飯的地方是自助餐形式，我地見到有沖繩料理中的豬手，立即試吓，由於太肚餓，真係食咗先講，已經唔記得影相喇! 大口同事唔係度就真係差d架喇! 冇人好似佢咁好心機影低d食物樣。講番個豬手，真係唔講得笑，又嫩又好食，好滿足
，二黃小姐吃飽之後忍唔著話:「食飽真係唔同d，舒服晒!
已經充滿力量喇! 未食飯就總係差d嘢，冇心機行!」莎倫好認同呀! 係呀! 係呀! 個人吃飽咗，再出發............殘波岬!我地架車駛咗入d好似比人"老粒"嘅荒郊野外，正輔女車手再次懷疑個自動導航啱唔啱架
(我地不只一次唔信個自動導航而行錯路架喇 
).................行行吓.......終於到喇!
殘波岬附近就係御菓子御殿，仲有海灘同渡假酒店，我地梗係走落海灘行吓喇! 順便睇吓有冇好似木村咁嘅靚仔型男係度打排球先
...........oh.........好失望 
，係冇嘅!........馮經理同二黃小姐行先，見到有班男生係度打排球，馮經理話應該都係一大班高中生嚟嘅，太細喇!
二黃小姐話:「生 "au au"，未熟，唔食得!」真係笑死 
....莎倫覺得我地好似姥姥呀 
!
離開咗冇木村型男嘅海灘，要往萬象毛出發喇! 唔係，就睇唔到日落架..............
好寫意呀! 爽呀!
~ 待續 ~
沒有留言:
張貼留言