和歌山白浜溫泉兩天逍遙遊 ~ 上

2009年1月30日

 

旅程的第三天，我們出發往和歌山白浜溫泉。點解在第三天先去而唔係第二天就去? 原因係1月11日是1月的第二個星期日，是日本的成人節，接住的星期一會是日本公眾假期，如果星期日晚入住溫泉酒店，房租會貴五百港元。莎倫覺得沒理由嘥這些錢，用d錢嚟吃咗去好過，所以調較吓個行程，係第三日先前往白浜 。

我們不趕時間，唔駛好早起身，我們選擇咗由大板坐巴士往白浜，早上9點10點左右由京都坐 JR火車往大板只不過半個小時的車程，由大板往白浜的巴士會在11:50am 開出 (到達酒店的時間會是15:25)，我們所預的時間好鬆動，在大板火車站買完巴士票仲可以係車站的大丸百貨吃點東西，行吓超市買d嘢上巴士食 (我們在超市閒逛時，看見很多和牛呢.........莎倫即刻問細妹﹕「妳害怕嗎? 還會吃和牛嗎」祖廸﹕「怕甚麼? 我一定要吃神戶牛!」)。選擇乘巴士雖然時間較坐火車長，但絕對有他的優點，第一就係平過坐火車，如果由京都坐火車往白浜是接近 六千円的車資 (每人wor)，如果由大板乘巴士就算計埋京都往大板的火車費都是三千多円，兩人就可以省五千多円 (五八中四十，即係四百多港元架!) .......第二，就係坐巴士可以直達溫泉酒店門口，好方便呢!

莎倫和祖廸細妹的大部分行裝都留係京都的酒店，所以往白浜時不太累贅。出發.....

 

我們在大丸超市買了士多啤梨上巴士吃..............莎倫最愛吃日本嘅士多啤梨，真係好甜架 ! 最可惜係冇巨峰葡提子! 莎倫出發嚟之前已定吓目標要日日食日本水果。

 

 

 

到喇! 我們到咗酒店喇，間酒店叫梅樽溫泉酒店，好ok架! http://www.seamore.co.jp/

 

我們入住的房間面向太平洋，無敵海景，可以睇到日落景.........超正!


 

 

要去歎吓個面向太平洋的露天風呂喇!

(photo fm hotel web site)

 

真係唔講得笑，哩個露天風呂超正呀，面向太平洋海景，莎倫同祖廸以為係旅遊特輯先見到嘅場景原來係真架! 浸完人都爽晒...........

 

 

講番為咗着日本睡衣，祖廸細妹係祗園就無論如果都要買支有京都特色嘅髮釵，佢話用嚟去溫泉酒店帶..............我地結果一人買咗一支........發花癲 !

 

至於梅樽溫泉酒店的膳食都不錯，是吃懷石料理的

 

 

 

我們兩晚都飲這隻sake，回來之後妹夫投訴，他話祖廸平時點都唔肯陪佢飲sake，竟然去到京都會飲!

 

 

第一晚的膳食，有前菜、餐前酒、魚生、陶板燒牛肉、三文魚shabu shabu、日式蒸蛋、蝦 tempura、湯和飯 + 甜品，十分豐富...........

 

 

第二晚也不差，此晚的魚生不同了，而陶板燒由牛肉轉咗鮑魚，shabu shabu轉咗sukeiyaki 牛肉窩，仍然有甜品，不過個餐太豐富，waiter 醒目問我地仲要唔要飯，「唔要喇! 唔該!」

 

 

 

 

好味道! 下一集帶大家遊覽白浜名勝同埋去 Tore Tore 魚市場再吃過!

~ 待續 ~