北海道 + 東京 2007 ~ 登別

12月7日 ~ 登別 ‧ 天晴

早上吃過早餐，再浸一陣溫泉； 然後整裝待發，前往地獄谷去......由於下榻的溫泉酒店就係地獄谷入口附近，所以好快就到。地獄谷是登別的熱門景點，已經見到有旅行團到達，在入口的地方有位大叔擺當替遊客影相，他很好心地，不斷用身體語言提醒我們小心地滑。由於多遊人來這裡，地上的雪被踏成冰，真係好滑，好易跌倒，莎倫同媽咪拖著手小心的行落一段梯級和斜路，聽見旅行團的人是操"煲冬瓜"，就請他們替我們來過合照 !

 

地獄谷周圍的散步小路都好滑，莎倫決定放棄，媽媽或者係自己跌親都唔好喇! 其實有點失望，好想行多d地方， 然後我們找到往日和山大湯沼的道路! 莎倫怎會這麼容易就放棄呢

! 和媽媽商量後，決定醫飽個肚先，如果條路不如地獄谷般難走，我們下午就去 (步行時間差不多一個鐘頭)!
就咁.......我地食碗拉麵先...........

 

 

下午再出發..............大湯沼
是車路，很少人行，再加上兩旁的雪頗厚(未變冰係唔滑腳嘅!) 所以我地就行喇!

 

到喇! 到左大湯沼..........真係好靚! 這些大自然景觀，要望多兩眼.......

 

 

 

 

 

小記: 係大湯沼嘅顯示牌，我們遇到一對中年恩愛夫婦，他們是駕車前來的，女的腳有缺憾，需要柺杖，相信是他的丈夫，緊緊的扶著太太的手一步一步前行，莎倫見到他們舉起相機想影自拍合照，就走埋去主動話幫吓佢地 (嗰度係四野無人，好荒蕪架，嗰時就得我地四個人咋)，見到他們開心不已的神情，莎倫都覺得好開心呀! 祝福你們永遠幸福甜蜜 ! 就咁，他們就幫番莎倫同媽咪係鳥無人煙嘅大湯沼影左張合照喇!

其實沿途的風光都很美，唔知點解，莎倫很喜歡影樹，特別係樹嘅剪影......我影影影...........話咁快，天都開始黑....快d返酒店浸番個溫泉，休息吓就去吃晚飯先!
 

 

 

 

 

**************************************************************
除了明媚的風光，好想同家介紹下我們下榻的溫泉酒店 ~ 第一滝本館! 正呀! 除左酒店有免費車接送往返札幌‧登別或新千歲機埸省卻一些交通費之外，酒店內的溫泉設備既多且大，愛泡湯就啱晒；而且就係膳食一流，咪睇我地係飯堂自助餐形式咁好似好cheap，但係有花咲蟹和鱈場蟹任食，係，無錯，係任食! 仲有新鮮嘅燒帶子，鐵板燒牛肉都好好味道添!

 

 

有美食，梗係要飲番柸 (酒要另外計數嘅，Sake /白酒 好似各 1,200円)

 

 

 

好似有唔知加幾多錢就啤酒任飲，因為無諗過飲啤酒和狂飲，所以唔好記得幾錢喇! 最緊要係食得開心飲要適可而止!