終於要出發去此旅程的最後一站 ~ 巴塞隆納! 莎倫同大口都係揀選咗坐飛機，省時快捷，年紀大喇，坐通宵車對莎倫來說太辛苦喇!
清晨的塞維爾並不繁忙，我們在7點鐘左右就抵達為於火車站的機場巴士站等車。原來此不是總站，巴士比我們原先查到的時間更早抵達，相信是早了一班車，而且十幾多分鐘就到達機埸
(比起我們查詢的20分鐘短)，莎倫覺得真好彩沒有選擇坐的士 (要20 Euro 架，坐機場巴士2.1 Euro/person，價錢差幾遠)!
我們仍然都是選搭Vueling Airline，塞維爾機埸不是很大，也不繁忙，我們預的時間很鬆動，輕輕鬆鬆的check-in 然後吃早餐，多謝大口同事為莎倫準備的水，萍果和蛋糕，謝謝!
巴塞隆納始終係大都市，機場很大，我們要由C的客運樓走到A才有旅遊中心，而在大口同事問旅遊中心職員攞 City map呀，問點樣搭車去酒店的時候，莎倫就觀賞到西班牙人的變面藝術喇! 勁呀
!
在我們問嘢之前，係一家幾口的老外家庭，職員是笑容滿面的，但到大口嘅時候..........突然間風雲驟變..........哈哈笑的嘴臉變成黑面神wor 
!
不過，好彩佢都沒有不理採我們，講d英文仲好鬼清楚，教我地點搭車，仲話比我地知我地住嗰間酒店好近 Barcelona Sants 火車站添，而機場出城的火車必停
Barcelona Sants 火車站。火車站係機場B大樓，Let's go........由機場坐火車出城好方便好快 (20分鐘就到)，而且仲可以買一種叫 T10 的車票，T10的意思係可以搭 10程車 (地鐵同火車都得)，最緊要係機場哩程都包吖麻，如果唔係要單一程出城都幾 Euro 喇! T10 要 7.2 Euro，可以兩人共用一張票，咁唧係每人可搭 5 程車 (每人 3.6 Euro)，首先第一個入閘(好似我地d八達通咁拍)，然後張張票傳比你後面個同伴，再拍過張票入閘，好方便。
莎倫同大口進入咗巴塞隆納，再次進入戒備狀態，大家小心財物呀! 大家睇咗警訊咁耐，千祈唔好信嗰d祈福黨保藥黨之餘，都唔好信嗰d好似好好心地幫旅客其實係火車站搵食嘅騙徒.............等莎倫同大口"波辦"帶大家重溫案發經過，其實世界各大火車站d騙徒呀，d犯案手法都係差不多，這個 Barcelona Sants 火車站係大站，你地當佢係紅磡火車站，深圳火車站，甚至係廣州東火車站就得架喇! 只要平時有留心，你總會發覺火車站有d人係度唔知做緊咩嘢，游游盪盪，好奇怪咁，不似等人，身無行李又不似旅客，只係係度游盪，一到咗 Barcelona Sants 火車站，莎倫就覺得好似係廣州東車站，小心! 然後，不久，就留意到一個係度游游盪盪的男人，對眼係度射來射去，莎倫等大口去完旅遊中心問路，我們孭起背囊走出火車站不久，莎倫正攤開地圖搵酒店位置，剛才在火車站游盪的男子走上來，滿面笑容，用英語說: "May I help you?" 莎倫下意識覺得他不懷好意，露出凌厲的眼神，啤咗佢一眼 :"no thanks!" 以大口都係跑慣江湖閱人無數，也下意識地立即走上莎倫身邊，兩人並排同一陣線，大口也說了: "no thanks!"
這個游盪男就再沒有走近，好彩啫! Thanks God! 其實莎倫係鱷魚頭，老襯底，心裡不知幾驚呀
...............就係咁，都未定完驚...........莎倫在轉入往酒店的路的同時............哎呀!
莎倫仆倒了...........連人帶大小背囊傾側向前，左膝先落地，好彩繜得穩，否則大背囊必定因個人失重心而再為傾側另莎倫扭傷腰，好彩只是左膝一片大瘀，痛就痛d，不過都係皮外傷冇扭親，仲行得!終於到咗酒店喇! 巴塞隆納的酒店是整個旅程中最貴的一間要 110 Euro，但，佢又真係最靚最似 4星酒店的一間，地點又就腳!
連早餐也不很不錯，結果大口因為人家d早餐豐富，再次變反肚金魚!
不過，d侍應生服務態度就麻麻喇! 想要熱開水，佢就唔理三七廿一比壺咖啡和茶，莎倫每次都要同佢地講一次要換，我地以為得我地係咁，點知，隔離檯都係咁，莎倫觀察到個靚媽咪仲有d慶添，搞到個經理走嚟，人家有個 BB，梗係要熱開水喇，開奶開糊仔吖麻，仲要支涷水添! 莎倫同大口就睇著d侍應由第一眼望客人裝出笑臉，別個瞼就黑面仲"廟"咀添
........真係唔要得!***********************************************************
在巴塞隆納的第一天，我們去了蘭布拉斯大道 La Rambla，好嘢，終於買到手信比屋企人喇! 係西班牙 hand made 架! 有相為證架!
~ 待續 ~
沒有留言:
張貼留言