旅程的第6日 ~ 從里斯本飛往馬德里
莎倫和大口乘 Vueling 廉價航空從里斯本飛往馬德里，Vueling 廉價航空不錯，我們在網上訂機票，遇問題 Send e-mail 問航空公司嘢 response 好快。
我們在接近中午12點已經抵達馬德里機場，這就是大口同事極力主張坐飛機的緣故，省時快捷，而且Vueling 廉價航空比起坐火車還要平宜呢!
http://www.vueling.com/checkin/index.php?menuOption=webcheckin&language=EN&mode=&sid=
莎倫和大口同事在安排行程時有個很一致的共識﹕「盡量早上到步，不入黑找旅館，不坐通宵巴士!」這是安全問題，西班牙治安有幾好，大家或會略有所聞，我們二人絕不掉以輕心。在香港, 莎倫、大口和 travel agent 職員的對西班牙治安作有趣的結論.......
莎倫問 agent 職員 ﹕「西班牙治安很差嗎? 旅遊書d人形容到好恐怖!」....
.....由於N年前大口同事係意大利目擊搶劫過程，所以佢對意大利治安印象很差，大口就問﹕「西班牙治安會差過意大利嗎?」但，莎倫N年前去意大利時有很多警察，街上並沒有傳說中的吉普賽扒手，而
agent 職員 亦不覺得意大利沿安很差﹕「意大利ok wor.......西班牙差d!」
而莎倫係N年前去過巴黎，印象中的巴黎很雜，治安很差，傳說中在意大利的吉普賽在巴黎出現，莎倫更在地鐵站被幾個黑人攔截....
......返之大口同事又不覺得巴黎有甚麼不妥..........但
agent 職員對巴黎的治安comment也不太好﹕「巴黎失業率高，又多吉普賽，沿安很差，西班牙同佢差不多。」.....啊!!! 咁ok lah!
最後......agent 話﹕「總之就唔會差得過深圳喇!」啊呀!!!!!!!!!!!
咁得喇!!!!!!!明白晒!!!!!咁當自己係深圳咁嘅介備狀態就得喇!
到咗馬德里機場喇，去攞番個大背囊先..........都幾有效率，個背囊好快出嚟.........但係........點解....點解.......有d唔係好妥嘅?
莎倫左望右望咗個背囊一陣..........發現右邊腰位的拉索帶不見了.........吓! 個背囊咁重，靠腰位的拉索帶卸力架!
啱啱先到西班牙咋，個背囊仲有排孭架! 
好慘呀!
"莎倫.....面對現實喇!".............就係咁，孭著個傷殘的大背囊搭地鐵往市中心去 (由機場坐地鐵往 Gran Via站要轉四次車架)。一出地鐵站，莎倫同大口諗著向警察叔叔問路，點知，西班牙警察d英語水平係............hmmmmmmm..........我們特然很掛著之前一晚在里斯本嗰個靚仔亞Sir，事緣莎倫同大口係酒店附近搵機埸巴士站，點知迷路，於是靚仔亞Sir用極之流利清楚的英語教我地返屋企!
講返馬德里先，兩位警察叔叔指指方向，我地就跟著佢指嘅direction 搵囉!
唔知係咪人係惡劣的環境下可以迫出自己嘅小宇宙，當莎倫孭著個傷殘的大背囊行了不久，感覺話比佢知唔係好對路，於是停低一陣，拿著個地圖對吓先，平時睇地圖無咁快，但係當孭著個大背囊先會快d，警察叔叔係老點嘅，莎倫同大口都係靠自己好快咁搵到間酒店喇!
哈哈....又到咗一間所謂4星級嘅酒店.........間酒店有幾奇趣 
，留番比大口同事講 !
我們吃過西班牙火腿 Jamon 嘅 lunch之後，開始了馬德里嘅市內遊。就係太陽門廣場Pueta de Sol 遇到兩個講廣東話的男子，佢地正拿著地圖搵旅館，但仲未知自己嘅方向，莎倫同大口行過，佢地其中一個就叫著我地﹕「講廣東話嗎?」我地就走埋去睇吓有咩可以幫到佢地啦.......莎倫話﹕「我地都係嚟咗兩個鐘頭咋! 但，都睇吓喇!」嘩! 佢地個地圖簡陋到痺，差不多全部橫街名係冇嘅，只得個太陽門位置，唔怪得佢地咁迷失喇! 莎倫攞番自己本旅遊書嘅地圖同佢地嘅地圖併吓，終於幫佢地搵到個direction 喇! 仲教埋佢地係邊到食 Jamon (西班牙火腿) 添! 佢地就提醒我地要小心財物，特別係背囊d拉鍊，佢地d有親拉鍊嘅包包都比人拉開晒! 馬德里~一個充滿毛賊的都市......................!!!!
Plaza Mayor 的日與夜
王宮 Palacio Real ，但當日冇開，唔要緊喇! 我地都無諗過入去參觀!
太陽門廣場Pueta de Sol
就係旁晚時份，我地終於遇上馬德里毛賊..........大口在莎倫後面叫道﹕「莎倫小心! 小心個背囊!」原來大口感覺到有人在她後面攪她的背囊，她立時把它放在前面，背囊頂的拉鍊已拉開，大口怒啤那個賊人，但，那個賊人輕輕鬆鬆若無其事的向前走了! 大口冇嘢唔見，其實邊會放錢呀銀包等等嘅貴重嘢係個背囊先得架?! 不過嗰日起，大口就怕亞小熊係背囊到比人老笠咗，從此流落西班牙做賊
............如果個賊仔拉開莎倫個背囊，
佢應該會扒到一包華園嘅甘草甜話梅嘅!
大都市!............莎倫同大口都係鍾意小鎮多好多.........下篇帶大家小鎮遊! ~待續~
沒有留言:
張貼留言