2009年6月10日 星期三
經過一晚通宵火車，火車係差不多早上7點左右到達 Trondheim。此程火車，睡得甘甜，唔知係米搖搖地，所以好瞓D 
!
早上火車有廣播提醒乘客差不多到站要起身，莎倫就安樂醒，不用聽廣播已六黠幾就起身梳洗，晨早起床清新開朗 
.........每個車廂內都有獨立的洗臉盆，好方便。
!
早上火車有廣播提醒乘客差不多到站要起身，莎倫就安樂醒，不用聽廣播已六黠幾就起身梳洗，晨早起床清新開朗 .........每個車廂內都有獨立的洗臉盆，好方便。
我們終於找到一間咖啡店，先去歎柸coffee食個包
離開咖啡店，我們去了旅遊中心，睇吓有咩地方好去，我們選擇咗先去 Monk's Island (Munkholmen)，哩度係以前D修士開闢的孤島，用作修道之用，島上有間修道院。前往 Monk's Island 要坐艇，我們遇到好多幼稚園團一起去，d 靚妹靚仔好嘈
，成群小魔怪，我地估其中一團應該係來自英倫，D細路D衣著姿姿整整，一身名牌戶外服飾
(係大人用品的迷你辦，連D backpacker 都變成 toddler size)，有個靚仔大大聲叫人﹕「Can you speak
English?」都幾得意幾好笑 
!
Wow wow..........風雨欲來...........大家走晒入個隊道避雨，冇mud嘢好做，馮經理跟D小朋友一起做體操
老師叫埋我地一齊玩
莎倫其實凍到雪雪聲，點解小朋友隻手咁暖嘅
?! 莎倫同馮經理用隻冰條手拖著人地隻小手取暖，都幾衰格囖 
!
這一日，我們經歷不同的天氣，先係橫風橫雨，係monk's island 同d幼稚園小朋友一起玩， 出番 Trondheim 城又放晴，可以影D Postcard相。離開 Monk's Island, 我們去了舊城區，太陽終於出來了，邊個話去旅行先嚟落雨，希望在明天吖嘛! Trondheim 原來好美架! D五顏六色的木屋好靚呀!
係河邊咁靚的環境歎柸咖啡，好寫意!
然後，我們都係附近食個午餐，真係好享受! 係食嘢嗰陣，遇到由法國嚟嘅兩夫婦，大家閒聊起來，佢地都有嚟過香港，仲好懷念叮叮車呢
!
是日三點幾，我地要離開 Trondheim前往 Dombas，坐上很出名的觀光火車 The Rauma Line 前往 Andalsnes，沿途將有美麗的風景，仲會遇到好人好事添..........~ 待續 ~
沒有留言:
張貼留言