講番巴塞隆納，莎倫想，是整個旅程中可以說是最不喜歡的地方，d人會推撞人喇、拍人背囊喇、tapas bar 個 bar
tender 同埋酒店d侍應生黑口黑面喇等等.........大概，繁華的都市也是這樣，或許，外國人來到香港，也是有類似的感觀吧!
其實，都不是壞事，到了那刻，莎倫十分掛念香港，很想家哦! 就快返屋企 lu 
........好嘢!
........好嘢!
巴塞隆納的景點，話多唔多，話少唔少，但係，對莎倫同大口來說，感興趣的不太多，差不多兩天的行程對我們來說已很足夠。而莎倫也不打算續一的介紹去過的地方，因為，好似巴特婁之家、米拉之家和文森之家等等有名的旅遊點，旅遊書描述會更詳細，莎倫只想寫下自己感想，對於去過的景點，就請大家睇睇相算吧!
莎倫和大口由塞維爾飛往巴塞隆納，settle down 之後都不過是吃中午飯的時間。我們走到蘭布拉斯大道 La Rambla，是熱熱鬧鬧的街道，兩旁商店林立，這裡可說是巴塞隆納的地標，莎倫同大口要找我們的目的地....................
就是聖約瑟市場 Mercat Sant Josep.........點解要去? 因為哩度係街市嚟架! 我地為食囉! 我地同蔡瀾有相同的見解就係參觀街市可以了解到當地人的生活習慣，去喇.....莎倫逛菜欄!
果然蔬菜海鮮水果乾果林林總總，街市內還有食肆，有海鮮食，我地見到有蟶子食呀! 應該好好味道，好似我地d食環署街市連熟食中心咁，很有趣!
你地睇吓隻汪汪幾得意，佢地個主人咪係度食緊蟶子囉! 好想攪吓佢，佢個樣實在好可愛好好笑呀! 不過........佢冇蟶子食，會唔會食莎倫隻手指架
?!
La Rambla 都幾有趣，你以為佢好似我地嘅彌敦道咩，佢又竟然有花襠，有寵物襠，有兔仔、雞仔賣，真係包羅萬有!
! 
而另外引起莎倫興趣的是畢加索美術館 Museu Picasso，美術館很嚴，不准拍照，那麼，就可以專心睇展覽，認識一下 Picasso 的生平和作品喇! 我們沿途所見的民宅也可愛呢!
看完展覽，莎倫倍感興趣，需要延伸讀物，所以係會場買咗本 Guide 再仔細研讀!
走到 La Rambla 的盡頭，是海上蘭布拉斯 Rambla de Mar，巴塞隆納有美麗的海港，在這裡走走都幾舒服寫意!
這裡是桂爾公園，莎倫不打算介紹她有幾出名喇! 反而，想起當日湊巧有小朋友的戶外活動..........................
你地睇吓幾得意，佢地舞龍呀! 好好笑呢! 成條龍起碼有三四十個小朋友，好嘈呢!
..........................是時候收拾心情反香港了!
沒有留言:
張貼留言