繼續第六天的行程!
我們離開 Trondheim是要前往 Dombas，踏上另一條著名的觀光列車 The Rauma Line。The Rauma
Line 由 Dombas 出發前往 Andalsnes，全程 1.5小時。在香港計劃行程時，Travel Walker 的 Eddie
勁力推介，佢話佢坐咗5次咁多!
莎倫雖然不是火車狂迷，但都很喜歡坐火車，今次到自己親身體驗，不用靠別人的形容，不用憑空想像，美麗的景致就在眼前真真實實的出現，再一次覺得生活可以好簡單，可以開心的事很多，可以欣賞的東西也很多......
莎倫很欣賞挪威待旅客的態度，The Rauma Line
為旅客印制的旅程小冊子，鐵道員會殷勤的為旅客送上。鐵道員哥哥知道我們是來自香港，跟我們用中文打招呼，說了聲「你好!」
景致很美，絕不能用筆墨所形容，莎倫的攝影技術也很有限，但不要緊，比D好嘢大家睇，莎倫係挪威火車嘅官方網頁搵嚟 The Rauma Line 沿路風景的 slideshow，請大家眼睛旅行 http://www.fjords.com/slideshow/raumabanen/index.html
!哩一晚，我們會係Analsnes 落腳。火車到達了 Analsnes ，再次落雨。我們原先諗住由火車站行去 Hostal，好彩遇到好人好事! 我們行咗幾步，有個伯伯走嚟問莎倫係咪去Hostal，佢話我地行要半個鐘頭先到，佢提意我地坐巴士，坐車只係5分鐘，就係我地眼光光望著亞伯伯講緊嘢嘅時候，巴士已經開了! 但，亞伯伯走出馬路，截停架巴士，然後同司機講嘢﹕「.....嘰嘰瓜瓜.....!」跟著司機落咗車，把放行李的門打開向我們揮手，叫我們放下行李上車，好感動呀! 嗰陣D雨越下越大，下車時，我們問司機車資多少，司機揚揚手，示意不收錢，我地就咁坐咗程順風車去 Hostal
，落車時仲要見到彩虹添:，真係感恩........挪威人真係好友善好好客，而在香港長大的莎倫覺得有點羞愧，我們樣樣嘢都講錢，計算利益
!
http://www.aandalsnesvandrerhjem.no/index.php?lang=eng Hostal 環境很好，老闆娘都好好人，莎倫同大口在香港 Booked 房先，我們原先已訂咗雙人房，馮經理後加，佢應該係住dormitory，但老闆娘見我地三個係一齊，佢話我地鍾意嘅話比我地一起住間4人房，佢冇所謂，真係唔該晒! 莎倫再次快速鋪好床單被袋，今次馮經理忍唔著問莎倫究竟係點入被袋? 點解可以咁快入好?! 莎倫很自豪，因為莎倫自小跟婆婆住，小時侯見過婆婆換被袋，好像捲豬腸粉咁，莎倫盡得婆婆真存，連莎倫媽媽都唔識架，係小莎倫教番媽媽嘅
! 莎倫講出竅門，幫馮經理一把，她驚嘆哩D係老人家嘅智慧! 
同日加演美女廚房，今集指定菜式係港式炒麵，材料包括揶菜 + 午餐肉 + 麵
好嘢! 有得食
~ 待續 ~
沒有留言:
張貼留言