繼續返嚟 Granada 格拉那達 
其實格拉那達不是很大，旅遊景點不算很多 (但有一個阿爾汗布拉宮 Alhambra Palace
都夠照喇!)，莎倫和大口同事離開阿爾汗布拉宮之後，往舊城區市中心走去，那裡是熱熱鬧鬧的旅遊區，紀念品商店林立，莎倫在此買了一本 "The Alhambra of
Granada" 嘅 photography 書，裡面有好精美嘅圖片，又有Alhambra
嘅歷史介紹，莎倫兩樣都鍾意，要買要買，返香港可以回味一番，因為莎倫好鍾意哩度呢!
莎倫和大口遊完市中心，便走往Albaicin 阿爾拜辛區，其實從阿爾汗布拉宮 Alhambra Palace往下望已可以一覽
Albaicin 阿爾拜辛區，全是白色的樓房，阿爾拜辛區是回教朝代的市街，現已被列為世界文化遺產!
往Albaicin 阿爾拜辛區走，沿途有很多古物和教堂.........
還有旅遊中心，tourist information 個 building 外觀都幾靚
到咗喇! 到咗Albaicin 阿爾拜辛區喇! d巷好斜.......有d仲好窄添! 但，有冇發覺都係由山上望番落嚟d風光靚d呢?!
近看又不是怎麼樣!
在格拉那達的趣事
:
話說大口同事有駱駝的外號，原因係佢可以成日唔飲水，唔駛去厠所。但係莎倫個人就真係好 "dry" ，所以一日要飲好多水先至得
!
而係西葡咁多日，住嗰d酒店，間房都唔有飲用水供應嘅。咁點呢?! 飲水係莎倫每次入酒店時好concern 嘅問題，但我地咁精打細算，去超市買嗎? No!
莎倫每次都會問receptionist 有冇飲用水供應，啊! 原來每間酒店的酒吧都可以有食水提供 (所以記得帶水樽呀!)
在格拉那達入住的那間酒店也不例外，要飲水可以到酒吧請 bar tender 幫我地斟水.........hmmmmm..........原來個 bar
tender 好靚仔，呢拉丁裔好俊朗嗰d樣呀，莎倫其實原先冇為意嘅，對眼只係focus 係d水到，最緊要係有水飲就好滿足 (唉! 所以個人未咁 dry
囉，凡事都有d原因嘅! 
)
點知，唔知點解，大口突然間，飲多咗好多水，仲要飲完一樽都唔夠，要飲第二轉，上番房之後不久，
話要落去再斟水，又話驚莎倫唔夠水飲，第二朝起身冇水飲云云，幫莎倫斟埋水，hahahahahah............其實大口係探吓 handsome
guy.......佢實係聊人傾計啦! 第二日，d天氣真係好熱，莎倫變咗乾蒸燒賣，我地一返到酒店，第一時間梗係去搵靚仔 bar tender 啦!
莎倫終於仔細d望吓佢，睇吓點解駱駝要飲水先得架! oh.......靚仔 bar tender
一見我地，已認得我地，先送上親切的笑容再主動伸定手出嚟準備接我地個水樽，再問候吓我地，好唔好玩呀，好熱啊......等等! 真係救命呀! 唉!
靚仔就算喇! 仲要咁 nice! 唔怪得知啦! 如是者，晚上，因為好口渴，大口又要落去斟水喇! 仲幫莎倫斟埋添，唔該哂 
! Remarks: 同場發現日本人真係有錢d，大口搵 bar tender 斟水同時，見d日本人 (有一日本團和我們入住同一間酒店)真金白銀的用 1 Euro 買支裝水飲!
下面嗰本就係莎倫係格拉那達買嘅書喇! 好鍾意呢! (人地攝影師影嗰d相靚好多麻!)
沒有留言:
張貼留言